Բայդենը պատրաստ է Թրամփի հետ բանավեճի
ՄԻՋԱԶԳԱՅԻՆ
ԱՄՆ նախագահ Ջո Բայդենը հաստատել է, որ պատրաստ է բանավիճել ԱՄՆ նախկին առաջնորդ Դոնալդ Թրամփի հետ՝ ներկայիս նախագահական մրցավազքի շրջանակներում, փոխանցում է Սպիտակ տան մամուլի ֆոնդը։
«Կազմակերպե'ք», - ասել է դեմոկրատ Բայդենը՝ պատասխանելով այն հարցին, թե արդյոք մտադիր է բանավիճել հանրապետական Թրամփի հետ։
Նախկինում ԱՄՆ նախագահն արդեն հայտնել էր Թրամփի հետ բանավեճերի մասնակցելու իր պատրաստակամությունը։
ԱՄՆ հաջորդ նախագահական ընտրությունները տեղի կունենան նոյեմբերի 5-ին։ Թրամփն արդեն ստացել է անհրաժեշտ թվով ձայներ՝ ԱՄՆ նախագահի հանրապետական թեկնածու դառնալու համար։ Բայդենը, ով առաջադրվում է երկրորդ ժամկետի համար, ապահովել է Դեմոկրատական կուսակցության բավարար թվով աջակցությունը։ Այսպիսով, կանխատեսելիորեն պայքարը կծավալվի նույն թեկնածուների միջև, ինչ չորս տարի առաջ, երբ Բայդենը հաղթեց Թրամփին, ով ձգտում էր վերընտրվել պետական բարձրագույն պաշտոնում։
