Իրական խաղաղությունը, իրական ինքնիշխանությունը Հայաստանի, հայ ժողովրդի պաշտպանության, մեր տարածքային ամբողջականության վերականգնման միջոցով է հնարավոր․ Րաֆֆի Հովհաննիսյան

Հայաստանի արտաքին գործերի առաջին նախարար Րաֆֆի Հովհաննիսյանը Հանրապետության հրապարակում է, որտեղ քիչ անց մեկնարկելու է Բագրատ Սրբազանի առաջնորդած Համազգային շարժման հանրահավաքը։

Րաֆֆի Հովհաննիսյանն իր զորակցությունն է հայտնել շարժմանը՝ միևնույն ժամանակ նշելով՝ աայս իշխանությունների մնալու պարագայում ավելի վատին է պետք սպասել։

«Մենք ոչ թե նշաձողն ենք իջեցրել, այլ հատակին ենք հասել։ Եթե այսպես շարունակվի՝ այս իշխանության միակողմանի զիջումներով չենք կարող ունենալ իրական խաղաղություն։

Նրանք կարող են անընդհատ կրկնել՝ խաղաղություն, ինքնիշխանություն՝ իրենց քայլերն արդարացնելու համար, բայց դա ծխածածկույթ է։

Իրական խաղաղությունը, իրական ինքնիշխանությունը Հայաստանի, հայ ժողովրդի պաշտպանության միջոցով է և մեր տարածքային ամբողջականության վերականգնման միջոցով»,- լրագրողների հետ զրույցում ասաց Րաֆֆի Հովհաննիսյանը։