Միշուստինը Պետդումայի հաստատմանն է ներկայացրել ՌԴ նոր կառավարության կազմը

ՌԴ վարչապետ Միխայիլ Միշուստինը Պետդումայի քննարկմանն է ներկայացրել Ռուսաստանի նոր կառավարության կազմը։

ՌԴ կառավարության նախկին կազմը հրաժարական էր տվել Վլադիմիր Պուտինի՝ Ռուսաստանի նախագահի պաշտոնը ստանձնելու պահին:

Ավելի վաղ Պուտինն արդեն ստորագրել էր «Դաշնային գործադիր մարմինների կառուցվածքի մասին» համապատասխան հրամանագիրը։

ՌԴ վարչապետը կունենա 10 տեղակալ, այդ թվում՝ առաջին փոխվարչապետ։