Արտակարգ դեպք Լամբադա կամրջի վրա

Երեկ՝ մայիսի 11-ին, արտակարգ դեպք է տեղի ունեցել Երևանում:

Ժամը 21:50-ի սահմաններում ՀՀ Ներքին գործերի նախարարության փրկրարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Կոմիտասի պողոտայում՝ Լամբադա կամրջի մոտ ավտոմեքենա է այրվում:

Հրշեջները մարել են «Dodge» մակնիշի ավտոմեքենայում առաջացած հրդեհը:  

Մինչ հրշեջների ժամանումը՝ կրակի տարածման դեմ պայքարել է վարորդը՝ Երևանի բնակիչ 48-ամյա Լուսինե Մ.-ն՝ քաղաքացիների օգնությամբ:

Ըստ նախնական տեղեկությունների՝ բարեբախտաբար տուժածներ չկան: Այրվել է ավտոմեքենայի շարժիչի հատվածը: