Անցած գիշեր ՌԴ օդային տարածքում խոցվել է շուրջ 50 ԱԹՍ, հրթիռ և արկ

ՌԴ պաշտպանության նախարարության տվյալներով՝ գիշերվա ընթացքում ՀՕՊ համակարգերը Բելգորոդի մարզի օդային տարածքում խոցել են «Օլխա» համազարկային կրակի ռեակտիվ համակարգի 12 արկ և 12 անօդաչու թռչող սարք։

Նաև ութ անօդաչու թռչող սարք է խոցվել Կուրսկի մարզի օդային տարածքում, չորս Storm Shadow ավիացիոն հրթիռ և յոթ անօդաչու թռչող սարք՝ Ղրիմի։ Լիպեցկի մարզի օդային տարածքում խոցվել է չորս անօդաչու թռչող սարք։

Բելգորոդի նահանգապետ Վյաչեսլավ Գլադկովի խոսքով՝ Չերեմոշնոե գյուղում հինգ մասնավոր բնակելի շենք է վնասվել, որոնցից մեկն ամբողջությամբ ավերվել է։