Թուրքիայում կրկին երկրաշարժ է գրանցվել

Թուրքիայում այսօր՝ մայիսի 15-ին, երկրաշարժ է տեղի ունեցել։ Այս մասին հայտնում է Թուրքիայի Արտակարգ իրավիճակների կառավարման գործակալությունը (AFAD):

Հաղորդվում է, որ 4,5 մագնիտուդով երկրաշարժը գրանցվել է Էգեյան ծովում՝ Իզմիր քաղաքից 46 կմ հեռավորության վրա:

Ստորգետնյա ցնցումների օջախը գտնվել է 7 կմ խորության վրա։ Տուժածների կամ ավերածությունների մասին տեղեկություններ առայժմ չեն հաղորդվել։