Չինաստանում տղամարդը դանակով հարձակվել է մարդկանց վրա. 8 մարդ է զոհվել

Չինաստանում տղամարդը դանակով հարձակվել է մարդկանց վրա։ Միջադեպի հետևանքով՝ կա 8 զոհ և 1 վիրավոր։ Հարձակումը տեղի է ունեցել Չինաստանի կենտրոնական Հուբեյ նահանգում։ Ոստիկանությունն արդեն բերման է ենթարկել 53-ամյա կասկածյալին։ Այս մասին հայտնում է ТАСС-ը՝ հղում անելով «Սինհուա» գործակալությանը։

Գործակալության տվյալներով՝ հարձակումը տեղի է ունեցել Սյաովու փոքրիկ քաղաքում, որը վարչականորեն պատկանում է Սյաոգան քաղաքին։ Դանակով զինված տղամարդը հարձակվել է մարդկանց վրա։ 

Հարձակման մեջ կասկածվողը 53-ամյա տղամարդ է։ Նախնական տվյալներով՝ նա հավանաբար տառապում է հոգեկան խանգարումներով։