Մանե Թանդիլյանին են գետնին տապալել

Առավոտ շուտ, երբ, այսպես ասած, հարձակում էին գործել շատ մտածված, ուժեղ, շատ կարեւոր հարձակում էր, երեւի կյանքի-մահվան խնդիր էր, այդ ժամանակ մեր Մանե Թանդիլյանին են գետնին տապալել: Այս մասին, այսօր Սուրբ Աննա եկեղեցու բակում հայտարարեց Տավուշի թեմի առաջնորդ Բագրատ Սրբազանը:

«Մեր տղաներին, աղջիկներին աջից, ձախից գողանալով, հարձակվելով մարդկանց վրա, հատուկ գործողություններ են անում:

Մեզ ոչ մի ձեւով չեք կարող կասեցնել, դուք չգիտեք՝ ինչ է լինելու»,-ասաց նա:

Նշենք, որ Հայաստանում բողոքի ակցիաներ են սկսվել վաղ առավոտից։ Մասնավորապես, փակ են Երևան-Աշտարակ և Երևան-Արմավիր ավտոճանապարհները: Շարժման առաջնորդ Բագրատ արքեպիսկոպոս Գալստանյանը, ինչպես նախօրեին խոստացել էր, նույնպես ինքն է փակել ճանապարհը։ Նա սեւ ամենագնացով փակել է Աբովյան-Սայաթ-Նովա փողոցների խաչմերուկը. Մյուս ցուցարարները փակել են Ազատության, Մաշտոցի, Տիգրան Մեծի, Կորյունի, Մոսկովյան, Տերյան, Հին Երևանցի փողոցները։