Զելենսկին և Իսպանիայի վարչապետն անվտանգության համաձայնագիր են ստորագրել

Ուկրաինայի նախագահ Վլադիմիր Զելենսկին և Իսպանիայի վարչապետ Պեդրո Սանչեսը Մադրիդում անվտանգության ոլորտում համագործակցության համաձայնագիր են ստորագրել։ Արարողության հեռարձակումն իրականացվել է Իսպանիայի նախարարների կաբինետի կայքում։

Այս համաձայնագիրը նման է այն համաձայնագրերին, որոնք Կիևն արդեն ստորագրել է մի շարք այլ երկրների, այդ թվում՝ Գերմանիայի և Իտալիայի հետ։ Ենթադրվում է, որ իսպանական իշխանությունները Կիևին կխոստանան ռեկորդային 1,129 միլիարդ եվրո արժողությամբ ռազմական օգնության փաթեթ:

Նշվում է, որ սա Զելենսկիի առաջին այցն է Իսպանիա։ Ուղևորությունը նախատեսված էր մայիսի 17-ին, սակայն հետաձգվել էր 10 օրով՝ ռազմաճակատում ստեղծված ծանր իրավիճակի պատճառով, որը ստեղծվել էր մայիսի կեսերին Խարկովի մարզում ռուսական հարձակման մեկնարկից հետո։Մադրիդի օդանավակայանում Զելենսկիին անձամբ դիմավորել է Իսպանիայի թագավոր Ֆելիպե VI-ը։