ԵՄ-ն, Մոսկվային օգնելու պատճառով, պատժամիջոցներ է սահմանել Իրանի պաշտպանության նախարարի դեմ
ՄԻՋԱԶԳԱՅԻՆ
Եվրամիությունը պատժամիջոցներ է սահմանել Իրանի ինը ֆիզիկական և իրավաբանական անձի, այդ թվում՝ երկրի պաշտպանության նախարարի նկատմամբ՝ Ուկրաինայում ռազմական գործողությունների համար Ռուսաստանին ռազմական օգնություն ցուցաբերելու համար։ Համապատասխան որոշումները հրապարակված են ԵՄ պաշտոնական ամսագրում:
ԵՄ-ն պնդում է, որ Ռուսաստանն Ուկրաինայում օգտագործում է իրանական արտադրության անօդաչու թռչող սարքեր:
Բացի պաշտպանության նախարար Մոհամմադ Ռեզա Աշտիանիից, «սև ցուցակում» ներառվել են Իրանի զինված ուժերի «Խաթամ ալ-Անբիա» կենտրոնական շտաբը, Իսլամական հեղափոխության պահապանների կորպուսի ռազմածովային ուժերը, Kavan Electronics ընկերությունը և բարձրաստիճան պաշտոնյաներ, նրանց հետ կապված աշխատակիցներ:
