Այրում կայարանի երկաթուղային կամուրջը կվերափոխվի և կհարմարեցվի տրանսպորտային միջոցների համար

ՏԿԵ նախարար Գնել Սանոսյանը ՀՀ Լոռու մարզպետի և «Ճանապարհային դեպարտամենտ» հիմնադրամի գործադիր տնօրենի հետ այցելել է Այրում կայարան։

«Այրում կայարանի մոտ կա երկաթուղային մի կամուրջ, որին ոչինչ չի պատահել և նախկինում ծառայել է պահածոների գործարանին մատակարարում իրականացնելու համար։

Քննարկումների արդյունքում պարզեցինք, որ այն երկաթուղու համար գործածելի չէ։ Որոշվեց վերափոխել և հարմարեցնել տրանսպորտային միջոցների համար։

Այս պահին մեծ ծավալով աշխատանքներ են ընթանում կամուրջը վերափոխելու համար, հեռացվում են երկաթգծի ռելսերը, հավելյալ ամրացման աշխատանքներ են կատարվում, որից հետո ասֆալտապատվելու է և հնարավոր կլինի սեղմ ժամկետներում ծանր բեռները Այրում կայարանից հետո բեռնատարներով տեղափոխել այդ կամրջով»,- ասված է նախարարի ֆեյսբուքյան գրառման մեջ։