Ձերբակալված Աշոտ Հարությունյանը հայտարարել է հացադուլ և ջրադուլ

Ձերբակալված Աշոտ Հարությունյանը հայտարարել է հացադուլ և ջրադուլ:

Այս մասին տեղեկանում ենք Տավուշը հանուն հայրենիքի շարժման ֆեյսբուքյան էջից։

«Նրա նախնական ձերբակալման 6 ժամը լրացել է: Դրանից հետո նրան կարող էին պահել միայն ձերբակալման որոշման առկայության դեպքում: 6 ժամը լրանալուց հետո ձերբակալման որոշում չկա, սակայն նրան ազատ չեն արձակում»,-ասված է հայտարարության մեջ։

Հիշեցնենք, որ ավելի վաղ հաղորդել էինք, որ Քննչական կոմիտեից հայտնել էին, որ ձերբակալվել է բերման ենթարկված 28 քաղաքացի․ միջոցներ են ձեռնարկվում` կազմակերպիչների և մասնակիցների ամբողջական շրջանակը պարզելու ուղղությամբ։