Վրաստանում ուժի մեջ է մտել «օտարերկրյա գործակալների մասին» օրենքը

Վրաստանի խորհրդարանի նախագահ Շալվա Պապուաշվիլին ստորագրել է «օտարերկրյա գործակալների մասին» օրենքը։ Փաստաթուղթն ուժի մեջ է մտել։

«Ես ստորագրել եմ «Օտարերկրյա ազդեցության թափանցիկության մասին» օրենքը», - ասել է նա ճեպազրույցում, հաղորդում են միջազգային ԶԼՄ-ները:

Նրա խոսքով, օրենքի նպատակն է ուժեղացնել Վրաստանի քաղաքական, տնտեսական և սոցիալական համակարգերը արտաքին միջամտության առնչությամբ։