Ջուլիանա Գրիգորյանը ելույթ է ունեցել Սանկտ Պետերբուրգում

Պլասիդո Դոմինգոյի «Օպերալիա» միջազգային մրցույթի առաջին մրցանակի դափնեկիր, սոպրանո Ջուլիանա Գրիգորյանը ելույթ է ունեցել Սանկտ Պետերբուրգում կայացած «Դասականը Դվորցովայում» համերգին՝ նվիրված քաղաքի օրվան: Համերգը տեղի է ունեցել Սանկտ Պետերբուրգի գլխավոր հրապարակում։

Ջուլիանա Գրիգորյանը Ա. Սպենդիարյանի անվան օպերայի և բալետի ազգային ակադեմիական թատրոնի Երիտասարդական օպերային ծրագրի մեներգչուհի է: Իր փոքր, բայց շատ հաջող կարիերայի ընթացքում համագործակցել է այնպիսի կոմպոզիտորների հետ, ինչպիսիք են Տիգրան Մանսուրյանը, Ռոբերտ Ամիրխանյանը, Վաչե Շարաֆյանը: