Իտալիայում շարունակվում են բողոքի ակցիաները ադրբեջանական գազամուղի կառուցման դեմ
ՄԻՋԱԶԳԱՅԻՆԻտալիայի հարավում գտնվող Սալենտո նահանգի բնակիչները շարունակում են բողոքել Տրանս-Ադրիատիկ գազամուղի (TAP) կառուցման դեմ, որով ադրբեջանական գազը պետք է մատակարարվի Իտալիա: Այս մասին հաղորդում է «Rusarminfo.ru» պարբերականը:
Բողոքի հերթական միջոցառումը տեղի է ունեցել մայիսի 3-ի գիշերը: «No TAP» նախաձեռնության մի քանի հարյուր անդամներ անցած գիշեր փորձել են խանգարել շինարարական աշխատանքները՝ փակելով շինհրապարակը: Արդյունքում բախում է տեղի ունեցել շինարարական հրապարակի պահակների ու ցուցարարների միջև: Բախման արդյունքում ոչ մեկ չի տուժել:
TAP գազատարի կառուցման դեմ իտալացիների բողոքի միջոցառումները սկսվել են մարտի կեսերին:
Պատճառը գազատարի շինարարության հետևանքով բազմամյա ձիթենու հատումն է՝ Սան-Ֆոկա շրջանում: