«Համահայկական ճակատ» կուսակցության հայտարարությունը

Հարգելի հայրենակիցներ.

 

Ինչպես հայտնի է, այս տարվա ապրիլի 5-ին տեղի ունեցավ ՀՀ պաշտպանության նախկին նախարար, գեներալ-մայոր Արշակ Կարապետյանի կողմից հիմնադրված «Համահայկական ճակատ» կուսակցության հիմնադիր համագումարը:

 

Սակայն արդարադատության նախարարությունը հրաժարվեց գրանցել կուսակցությունը՝ կանոնադրության մեջ ինչ-ինչ թերությունների պատճառաբանությամբ: Ընդ որում, պահանջել են ոչ թե շտկել այդ տեխնիկական վրիպակները, այլ նոր համագումար հրավիրել:

 

Մենք բազմիցս նշել ենք, որ սա իշխանությունների ամենավերին օղակների ուղիղ պատվերն է՝ ձգձգել կուսակցության ստեղծումն ու խոչընդոտներ ստեղծել կուսակցության լիարժեք գործունեության համար: Այնուամենայնիվ, մեր քաղաքական ուժի բնականոն գործունեությունը վերականգնելու նպատակով կուսակցության ղեկավարությունը որոշել է նոր համագումար հրավիրել:

 

«Համահայկական ճակատ» կուսակցության հիմնադիր համագումարը տեղի կունենա հունիսի 21-ին:

 

Համագումարի աշխատանքներին մասնակցելու և գրանցման համար խնդրում ենք զանգահարել կոորդինացիոն շտաբ` 096319031 հեռախոսահամարով։