Մեսսին ասել է, թե որ ակումբում կավարտի կարիերան

րգենտինայի հավաքականի հարձակվող, «Ոսկե գնդակի» բազմակի դափնեկիր Լիոնել Մեսսին նշել է իր կարիերայի վերջին ակումբի անունը:

Ինչպես գրում է ESPN-ը, Մեսսին ասել է, որ իր վերջին ֆուտբոլային ակումբը կլինի «Ինտեր Մայամին», որի կազմում նա այժմ հանդես է գալիս։ 

«Ես ավելի ու ավելի շատ եմ հաճույք ստանում ֆուտբոլից, քանի որ հասկանում եմ, որ գնալով ավելի քիչ ժամանակ եմ ունենում խաղալու համար»,- ավելացրել է նա։

Ավելի վաղ նշվում էր, որ Մեսսին դարձել է ԱՄՆ-ի ամենահայտնի մարզիկը։ Երկրի 12 տարեկանից բարձր բնակիչների հարցման արդյունքում պարզվել է, որ արգենտինացին ավելի հայտնի է, քան նախկին բասկետբոլիստ Մայքլ Ջորդանը և ամերիկացի նախկին ֆուտբոլիստ Թոմ Բրեդին։

36-ամյա Մեսսին «Ինտեր Մայամի» թիմին միացել է 2023 թվականի ամռանը։ Նրա պայմանագիրն ակումբի հետ նախատեսված է մինչև 2024/2025 մրցաշրջանի ավարտը։ Թիմի կազմում նա նվաճել է լիգայի գավաթը։