«Սրբազան պայքարը» ոստիկանության բռնությունների պատճառով տուժածներին խնդրում է տվյալներ փոխանցել

«Պայքարի սիրելի ընկերներ, հունիսի 12-ին ոստիկանության կողմից իրականացված վայրագ գործողությունների հետևանով բազում արժանապատիվ քաղաքացիներ տարբեր աստիճանի մարմնական վնասվածքներ են ստացել և հայտնվել հիվանդանոցներում:

Այս ընթացքում Բագրատ Սրբազանը, ընդդիմադիր պատգամավորները, իրավապաշտպաններն ու պայքարի ակտիվիստները բազմիցս այցելել են մեր վիրավոր հայրենակիցներին, ամեն կերպ սատար եղել նրանց: Սակայն պարզվում է՝ կան վիրավորներ, որոնց մասին մենք տեղեկացված չէինք: Ուստի, պայքարի սիրելի քույրեր և եղբայրներ՝ հատկապես նրանք, ովքեր ոստիկանության բռնությունների պատճառով հայտնվել են հիվանդանոցներում, խնդրում ենք ձեր կոնտակտային տվյալներն ուղարկել հետևյալ էլ. հասցեին - [email protected]»։