Գրիգորի Լեպսն ամուսնության առաջարկ է արել 18-ամյա աղջկա

Վրացական արմատներով ռուս երգիչ Գրիգորի Լեպսն ամուսնության առաջարկություն է արել ՄԳԻՄՕ-ի 18-ամյա ուսանողուհի Ավրորա Կիբին, սակայն վերջինս չի շտապում պատասխանել։ Այս մասին հայտնել են Լեպսի ընկերները։

«Ավրորան սովորում է ՄԳԻՄՕ-ում և, ի դեպ, լավ է երգում։ Վերջերս Գրիշան ամուսնության առաջարկություն է արել նրան և նվիրել տպավորիչ ադամանդով Graff մատանին։ Հիմա մենք սպասում ենք հարսանիքին, Լեպսը որոշել է ամուսնանալ», - Լեպսի ընկերների խոսքերն է մեջբերել «Կոմսոմոլսկայա պրավդա» թերթը։ Լեպսի ընտրյալն իր սոցցանցերում արդեն հրապարակել է նվեր ստացած մատանու լուսանկարը։ 

Նշվում է, որ նորաթուխ զույգը, հավանաբար, ծանոթացել է ծնողների շնորհիվ։ Բանն այն է, որ Լեպսը շփվում է Կիբի մոր ընկերուհի Տատյանայի հետ։