Պուտինը շնորհակալություն է հայտնել Վիետնամին՝ Ուկրաինայի հարցում հավասարակշռված դիրքորոշման համար

Ռուսաստանը երախտապարտ է Վիետնամին՝ ուկրաինական ճգնաժամի հարցում հավասարակշռված դիրքորոշման համար, այդ մասին Ռուսաստանի նախագահ Վլադիմիր Պուտինը գրել է վիետնամական «Նյան Զան» թերթի համար  նախատեսված հոդվածում, որը հրապարակվել է Վիետնամ կատարած նրա այցի կապակցությամբ։

«Մենք երախտապարտ ենք մեր վիետնամցի բարեկամներին ուկրաինական ճգնաժամի հարցում նրանց հավասարակշռված դիրքորոշման, այն խաղաղ ճանապարհով լուծելու իրական ուղիների որոնմանը նպաստելու ցանկության համար։ Այս ամենը լիովին համապատասխանում է Վիետնամի հետ մեր հարաբերությունների ոգուն և բնույթին»,- գրել է Պուտինը։