ՃՏՊ Լոռու մարզում․ 4 հոգի տեղում մահացել է

Այսօր՝ հունիսի 21-ին, խոշոր ոււ ողբերգական ավտովթար է տեղի ունեցել Լոռու մարզում: Ժամը 12:20-ի սահմաններում «Mercedes» մակնիշի ավտոմեքենան Վանաձոր-Դիլիջան ավտոճանապարհի Ֆիոլետովո գյուղի  վարչական տարածքում դեռևս անհյատ հանգամանքներում դուրս է եկել երթևեկելի գոտուց և մոտ 200 մ գլորվելով հայտնվել ձորում: 

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 4 հոգի տեղում մահացել են:

Դեպքի վայր են ժամանել ՀՀ ներքին գործերի նախարարության փրկարար ծառայության Վանաձորի հրշեջ փրկարարական ջոկատից 1 մարտական հաշվարկ: 

Մահացածներից 2-ը հայտնաբերվել են ավտոմեքենայից դուրս, 2-ին ավտոմեքենայից դուրս բերելու համար փրկարարները օգտագործում են հատուկ տեխնիկա: 

Վթարի փաստով քննչական վարչություն նախաձեռվել է քրեական վարույթ: 

Ոստիկակնությունում ու քննչական վարչությունում պարզում են վարորդի, և մահացածների ինքնությունը: