Բագրատաշենի սահմանային անցակետում հետախուզվող է հայտնաբերվել

Հունիսի 24-ին Բագրատաշենի սահմանային վերահսկողության բաժնից ոստիկանության Նոյեմբերյանի բաժին է տեղափոխվել 43-ամյա Արթուր Ա.-ն:

ՆԳՆ հաղորդմամբ՝ տղամարդուն հունիսի 3-ից ոստիկանության Շենգավիթի բաժինը հետախուզում էր ՀՀ քրեական օրենսգրքի 344-րդ հոդվածի (Տրանսպորտային միջոցներ վարելու իրավունքից զրկված կամ այդ իրավունքը կասեցված անձի՝ տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի՝ հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 2-րդ մասի մեղադրանքով:

Հայտնաբերման մասին տեղյակ է պահվել հետախուզումը նախաձեռնողին:

Խափանման միջոց է ընտրվել ստորագրությունը: