Առափի գյուղում այրվել է անասնակեր

Հունիսի 27-ին, ժամը 05։56-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Առափի գյուղում այրվում է խոտածածկույթ։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ գյուղի 1-ին փողոցի 2-րդ նրբանցքի տներից մեկի անասնագոմի դիմաց այրվում է կուտակած անասնակեր։

Հրդեհը մեկուսացվել է ժամը 06:34-ին, մարվել՝ 09:12-ին: Այրվել է մոտ 140 հակ կուտակած անասնակեր։