Դելիում գազի արտահոսքի հետևանքով հոսպիտալացվել է 200 աշակերտ

Հնդկաստանի մայրաքաղաք Դելիի դպրոցներից մեկից հոսպիտալացրել է շուրջ 200 աշակերտ` մոտակա պահեստից գազի արտահոսքից հետո:  Բի-Բի-Սի գրում է, որ աշակերտները սկսել են բողոքել աչքերի և կոկորդի ցավից: Արդյունքում դպրոցում բոլոր գտնվածները տարհանվել են: Մասնագտտներն այժմ փորձում են պարզել, թե ինչ տեսակի գազ է եղել պահեստում:

Բժիշկների խոսքերով,  թունավորված աշակերտների վիճակը բավարար է, նրանց առողջությանը վտանգ չի սպառնում:

Բի-Բի-Սի-ն գրում է, որ Հնդկաստանում բավականին շատ են գազի արտահոսքից թունավորումների դեպքերը: Առաջին հերթին կապված է  քիմիական նյութերի պահպանման վատ պայմանների և անվտանգության ցածր չափանիշների հետ: