Գենոֆոնդ ենք կորցնում. Արշակ Կարապետյան

«Ես չեմ ուզում թվարկել այն ամեն վատ բաները, որ իրենք բերել են իրենց ղեկավարման տարիներին մեր ժողովրդի գլխին»։

Այս մասին ասել է «Համահայկական ճակատ» շարժման առաջնորդ, պաշտպանության նախկին նախարար, գեներալ-մայոր Արշակ Կարապետյանը:

Գեներալը նկատում է, որ երկրի տարբեր ոլորտներում այսօր քաոսային վիճակ է տիրում: Նա իր անհանգստությունն է արտահայտում, մասնավորաբար, գիտության, կրթության, բժշկության ոլորտներում տեղի ունեցողի առնչությամբ ու ահազանգում՝ գենոֆոնդ ենք կորցնում:

«Գիտությունը Հայաստանում ոչնչանում է։ Անգրագետներին կառավարելը շատ ավելի հեշտ է, կրթությունը հարաբերական է դառնում, բժշկությունը՝ դարձել է բիզնես։ Մարդու առողջությունը մյուսի համար դարձել է բիզնես։ Ազգային գենոֆոնդը ոչնչացվում է, մարդիկ երկրից գնում են»։