Հարավային Կորեայի զորքերը բերվել են պատրաստության բարձրագույն մակարդակի

Կորեայի Հանրապետության զինված ուժերը բերվել են ռազմական պատրաստվածության բարձրագույն մակարդակի՝ կապված մայիսի 9-ին այդ երկրում կայանալիք նախագահական ընտրությունների հետ: Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, Սեուլում ազգային պաշտպանության նախարարության պաշտոնական ներկայացուցիչ Մուն Սան յունը հայտնել է, որ դա կապված է Կորեայի Ժողովրդա-դեմոկրատական Հանրապետության կողմից հնարավոր նոր ռազմական սադրանքների հետ:

«Զորքերը պահպանում են ռազմական պատրաստության ուժեղացված մակարդակը»,- ասել է սպան: Նրա խոսքով՝ Հյուսիսային Կորեան այս ժամանակահատվածում կարող է բալիստիկ հրթիռների նոր արձակումներ կամ ատոմային փորձարկումներ իրականացնել: