Օկուպացված Լաչինում ականի վրա ադրբեջանցի է պայթել

Ադրբեջանի զինված ուժերի կողմից օկուպացված Քաշաթաղի շրջանում ականի պայթյունից ադրբեջանցի է վնասվածքներ ստացել։ Այս մասին հայտնում են ադրբեջանական ԶԼՄ-ները՝ վկայակոչելով պետական մարմինների տարածած համատեղ հաղորդագրությունը։

Ըստ հաղորդագրության՝ տուժածը 1960 թվականին ծնված Սուլեյմանով Ալի Զեյնալաբդին օղլուն է։

Սարիբաբա կոչվող բարձունքներում նա անասուններին արածեցնելիս է եղել, երբ հակահետևակային ական է պայթել։ Արդյունքում Սուլեյմանովը վիրավորվել է ձախ ոտքից։ Կատարվում է հետաքննություն։