Մեծ Բրիտանիայում քաոս է. քաղաքացիական պատերա՞զմ է սպասվում

Ամերիկացի ձեռներեց և միլիարդատեր Իլոն Մասկը Մեծ Բրիտանիայում անկարգությունների ֆոնին հայտարարել է «երկրում քաղաքացիական պատերազմի անխուսափելիության մասին»։

Համապատասխան գրառումը նա հրապարակել է X սոցիալական ցանցում. «Քաղաքացիական պատերազմն անխուսափելի է»,- գրել է գործարարը՝ մեկնաբանելով բրիտանական քաղաքներում անկարգությունները նկարագրող տեսանյութերից մեկը։

Հավելենք, որ միգրանտների դեմ բողոքի ցույցեր են սկսվել Մեծ Բրիտանիայի տարբեր քաղաքներում, որոնց ընդհանուր առմամբ մի քանի հազար մարդ է մասնակցել: Ինչպես հաղորդում են բրիտանական ԶԼՄ-ները, խոշոր ցույցեր են տեղի ունեցել Մանչեսթերում, Պորտսմութում, Բելֆաստում և Սթոք-օն-Թրենթ և Քինգսթոն-ըփոն-Հոլ քաղաքներում։