Ո՞ւմ դիմել, եթե դարձել եք կիբերհանցագործության զոհ․ Սամվել Մարտիրոսյան

Տեղեկատվական անվտանգության մասնագետ, մեդիա փորձագետ Սամվել Մարտիրոսյանը ֆեյսբուքյան իր էջում պարզաբանել է, թե ում դիմել, եթե դարձել եք կիբերհանցագործության զոհ։

«Ինձ գրում կամ զանգում են մարդիկ և հարցնում՝ ինչպե՞ս կարելի է գումարը հետ վերադարձնել։ Եկեք մի քանի բան պարզաբանենք։ Առաջինը՝ կինոներին մի՛ հավատացեք, որ մի հաքքեր է լինում, կտկտացնում է ու փողերը հետ է բերում։ Հետո ՝ կիբերհանցագործությունը ևս հանցագործություն է։ Այս դեպքում գնում են ոստիկանություն կամ քննչական կոմիտե»,- ասաց նա։

Նա նշեց, որ այսօր շատ-շատ մարդիկ դառնում են կիբերհանցագործության զոհ։