«ՌԱՖ» մակնիշի ավտամեքենայում գազաբալոն է պայթել և հրդեհ է բռնկվել. ավտոմեքենան վերածվել է մոխրակույտի

Այսօր՝ օգոստոսի 10-ին, պայթյուն-հրդեհ է տեղի ունեցել Երևանում: Ժամը 13:00-ի սահմաններում ՀՀ ներքին գործերի նախարարության փրկարար ծառայության 9-11 ճգնաժաային կառավարման ազգային կենտրոն ահազանգ է ստացվել, որ Խարբերդի ամառանոցների 10-րդ փողոցում ավտոմեքենայի մեջ պայթյուն է տեղի ունեցել՝ հրդեհի բռնկումով: Հայտնում է shamshyan.com-ը: 

Տարածքը սահմանազատել են նույն վաշտի պարեկ Նարեկ Բարսեղյանն ու Գնել Գրիգորյանը:

Պարզվել է, որ կայանված «ՌԱՖ» մակնիշի ավտոմեքենայում պայթյուն է տեղի ունեցել՝ հրդեհի բռնկումով:  

Ըստ նախնական տեղեկությունների՝ պայթել է գազի բալոնը և տուժածներ չկան:

Դեպքի վայր է ժամանել նաև ոստիկանության Շենգավիթի բաժնի օպերատիվ խումբը՝ համայնքային ոստիկանության բաժանմունքի տեսուչի գլխավորությամբ:  

Դեպքի փաստով ոստիկանության Շենգավիթի բաժնում փաստաթղթեր են ձևակերպվում, որոնք հնարավոր է փոխանցվեն ՀՀ քննչական կոմիտեի Երևան քաղաքի քննչական վարչության Շենգավիթի քննչական բաժին: