Ես հավերժ չեմ, բելառուսները պետք է ընտելանան մեկ այլ նախագահի մասին մտքին. Լուկաշենկո
ՄԻՋԱԶԳԱՅԻՆ
Բելառուսները պետք է ընտելանան մեկ այլ նախագահի մասին մտքին, ասել է երկրի նախագահ Ալեքսանդր Լուկաշենկոն Գորոդիշչե քաղաքի բնակիչների հետ զրույցում։ Այս մասին գրում է ՏԱՍՍ-ը:
«Ոչ, ես չեմ ասում, որ հենց վաղը թողնելու եմ ձեզ, բայց դուք պետք է վարժվեք այն փաստին, որ ես հավերժ չեմ, ինչպես և դուք», - ասել է նախագահը:
Լուկաշենկոն նշել է, որ պաշտոնից հեռանալիս պետք է իր իրավահաջորդին թողնի խաղաղ ու հանգիստ երկիր։
Լուկաշենկոն Բելառուսի Հանրապետության առաջին և միակ նախագահն է, որը երկիրը կառավարում է 1994 թվականից մինչև հիմա:
