Կիևում երկու մարդ է ձերբակալվել գեորգիևյան ժապավենով պաստառի համար
ՄԻՋԱԶԳԱՅԻՆԿիևում 2 մարդ է ձերբակալվել, ովքեր ցանկացել են Մայիսի 9-ի առիթով կազմակերպված ակցիայի ժամանակ տեղադրել գեորգիևյան ժապավենով պաստառ:
«Ձերբակալվածները տարվել են ոստիկանության շրջանային բաժանմունք, նրանց գործողություններին կտրվի իրավական գնահատական»,- Լենտա.ռու կայքի հաղորդմամբ՝ այս մասին ասել է ոստիկանության բաժանմունքի ղեկավարը:
Գեորգիևյան ժապավենն Ուկրաինայում, որպես կոմունիստական խորհրդանիշ, արգելված է: Երկրում, ի նշան հիշատակի, օգտագործվում է կարմիր կակաչը:
Ավելի վաղ հաղորդվել էր, որ հիշատակի ակցիան կարող է արգելվի Ուկրաինայի ազգային անվտանգության ծառայության կողմից, բայց մայիսի 6-ին հայտնի էր դարձել, որ գերատեսչությունը որևէ հիմք չի գտել այն արգելելու համար: