Կատարը հավաստիացնում է ԱՄՆ-ին, որ ՀԱՄԱՍ-ը կմասնակցի Դոհայում Գազայի հատվածի հրադադարի շուրջ բանակցություններին

Կատարը հավաստիացրել է ԱՄՆ-ին, որ պաղեստինյան ՀԱՄԱՍ շարժման ներկայացուցիչները կմասնակցեն Գազայի հատվածում հրադադարի շուրջ բանակցություններին, որոնք կկայանան օգոստոսի 15-ին Դոհայում։

Այս մասին լրագրողների համար հերթական ճեպազրույցում ասել է ԱՄՆ Պետդեպարտամենտի մամուլի ծառայության ղեկավարի տեղակալ Վեդանտ Պատելը, փոխանցում է ՏԱՍՍ-ը։

«Մեր կատարցի գործընկերները մեզ հավաստիացրել են, որ ՀԱՄԱՍ-ի ներկայացուցիչները ներկա կլինեն, եւ ես, իհարկե, թույլ կտամ նրանց խոսել այդ մասին։

Բացի այդ, ես չեմ պատրաստվում մանրամասնել», - ասել է նա։

Պատելը հավելել է, որ Վաշինգտոնը հույս ունի, որ բանակցությունները կշարունակվեն:

«Մենք հաստատ ակնկալում ենք, որ բանակցությունները կընթանան այնպես, ինչպես պետք է», - ընդգծել է նա:

Հիշեցնենք, որ Նեթանյահուն հաստատել է Իսրայելի պատվիրակության մասնակցությունը Գազայի հատվածի շուրջ հրադադարի բանակցություններին։

Հիշեցնենք նաև, որ Եգիպտոսը, Կատարը և ԱՄՆ-ն կոչ են արել Իսրայելին և պաղեստինյան ՀԱՄԱՍ շարժմանը օգոստոսի 14-15-ը վերսկսել հրադադարի շուրջ քննարկումները։