Մոսկվայի բորսան կվիճարկի ԱՄՆ-ի սահմանած պատժամիջոցները

Մոսկվայի բորսան մտադիր է վիճարկել ԱՄՆ-ի սահմանած պատժամիջոցները, հայտնել է  ներդրողների իրավունքների պաշտպանության կենտրոնը։

Նշենք, որ ԱՄՆ Ֆինանսների նախարարությունը 2024 թվականի հունիսի 12-ին պատժամիջոցներ էր սահմանել Մոսկվայի բորսայի, Ազգային քլիրինգային կենտրոնի և Ազգային հաշվարկային դեպոզիտարիայի («Մոսկվայի բորսա» խմբի մաս են կազմում-խմբ․) դեմ, ինչը փաստացի նշանակում էր մեկուսացում համաշխարհային դոլարային համակարգից։

Պատժամիջոցների պատճառով Մոսկվայի բորսան  դադարեցրեց դոլարով և եվրոյով առևտուրը, իսկ Կենտրոնական բանկը հայտարարեց, որ կորոշի այդ արժույթների պաշտոնական փոխարժեքները՝ օգտագործելով բանկային հաշվետվությունները և թվային արտաբորսային տեղեկատվությունը։