Ռուսաստանը արձագանքել է ԲՐԻԿՍ-ին անդամակցելու Ադրբեջանի դիմումին

Ռուսաստանը ողջունում է Ադրբեջանի որոշումը՝ միանալ ԲՐԻԿՍ-ին, հայտարարել է Դաշնային խորհրդի միջազգային հարցերով կոմիտեի նախագահ Գրիգորի Կարասինը։

Lenta.ru-ի հետ զրույցում նա պատասխանել է կազմակերպությանն անդամակցելու Բաքվի դիմումին։

«Մենք ողջունում ենք մեր բարեկամ Ադրբեջանի ցանկությունը՝ որպես լիիրավ անդամ մասնակցելու ԲՐԻԿՍ-ի աշխատանքներին։

Մենք կշարունակենք աջակցել, որպեսզի դա տեղի ունենա, սակայն ԲՐԻԿՍ-ը նոր անդամների ընդունելու հստակ մեխանիզմ դեռ չի մշակվել:

Բայց ես կարծում եմ, որ դա կարվի առաջիկա տարիներին»,- ասել է սենատորը։

Հիշեցնենք, որ ավելի վաղ հաղորդել էինք, որ Ադրբեջանը պաշտոնապես ԲՐԻԿՍ-ին անդամակցելու հայտ է ներկայացրել։