Ավստրալացի պատգամավորը նիստի ժամանակ կրծքով կերակրել է երեխային

Ավստրալացի սենատոր Լարիսա Ուոթերսնը դարձել է երկրի առաջին քաղաքական դեմքը, ով երեխային կրծքով կերակրել է հենց խորհրդարանում,- գրում է Independent-ը։

Աղբյուրի փոխանցմամբ՝ նա իր մի քանի շաբաթական դստերը կերակրել է խորհրդարանում անցկացվող քվեարկության ժամանակ:

Ծննդաբերությունից 10 շաբաթ անց աշխատանքի վերադարձած Ուոթերսնը իր ֆեյսբուքյան էջում գրել է՝  հպարտ է, քանի որ իր դուստրն առաջին երեխան է, որին կրծքով կերակրել են խորհրդարանում:

Հայտնում են նաև, որ Ավստրալիայում արդեն թույլատրվում է կրծքով կերակրելը խորհրդարանում։