Վարչապետի որոշումը

Մեդիամաքսը հրապարակել է Հայաստանի վարչապետ Կարեն Կարապետյանի հարցազրույցն Էլիզա Վասին: Հարցազրույցում վարչապետն ի թիվս այլ հարցերի խոսում է իր հետագա պաշտոնավարման մասին: 

Հարցին, թե արդյոք պատրաստ է 2018 թվականին վարչապետ մնալ և դառնալ հանրապետության ղեկավար, Կարեն Կարապետյանը դրական պատասխան է տվել: Ընդգծելով, որ երբեք չի երազել վարչապետ լինել՝ Կարեն Կարապետյանն ասել է, որ իր պատրաստակամությունը ձևակերպում է ոչ թե որպես իշխանության ձգտում, այլ երկրում շատ բան փոխելու ցանկություն: