Վարչապետն Արփինե Հովհաննիսյանին մաղթեց արդյունավետ աշխատանք Ազգային ժողովում

Կառավարության նիստի ավարտին ՀՀ վարչապետ Կարեն Կարապետյանը կառավարության անունից շնորհակալություն հայտնեց ՀՀ արդարադատության նախարար Արփինե Հովհաննիսյանին՝ համատեղ և արդյունավետ աշխատանքի համար, մաղթելով ամենայն բարիք:

«Ցանկանում ենք՝ այն արդյունավետությունը, որ նա ցուցաբերել է կառավարության աշխատակազմում, ցուցաբերի նաև Ազգային ժողովում»,- «Արմենպրես»-ի փոխանցմամբ, ասաց Կարեն Կարապետյանը:

Արփինե Հովհաննիսյանն էլ իր հերթին շնորհակալություն հայտնեց վարչապետին և իր գործընկերներին՝ մաղթելով արդյունավետ աշխատանք:  

Հովհաննիսյանին գործընկերները նոր առաքելության ճանապարհեցին ծափերով: