Ռուսաստանը հայտարարել է՝ եթե ԱՄՆ-ն իր միջին հեռահարության հրթիռները տեղակայի Ճապոնիայում, դրան կհաջորդի ռազմատեխնիկական բնույթի պատասխան

Եթե ԱՄՆ-ն իր միջին հեռահարության հրթիռները տեղակայի Ճապոնիայում, դրան կհաջորդի Ռուսաստանի ռազմատեխնիկական պատասխանը, ճեպազրույցի ժամանակ հայտարարել է ՌԴ փոխարտգործնախարար Սերգեյ Ռյաբկովը։

«Թող նրանք դեռ այդ մասին պտտվող լուրերից այն կողմ անցնեն, այդ ժամանակ կստանան համապարփակ պատասխան, այդ թվում՝ ռազմատեխնիկական բնույթի»,- ասել է Ռյաբկովը։