Կանադայի խաղաղօվկիանոսյան ափերի մոտ 5,9 մագնիտուդ ուժգնությամբ երկրաշարժ է տեղի ունեցել

5,9 մագնիտուդով երկրաշարժ է գրանցվել Խաղաղ օվկիանոսում՝ Կանադայի հյուսիս-արևմտյան ափերի մոտ, հայտնում է Ռուսաստանի Միացյալ երկրաֆիզիկական ծառայության Ալթայ-Սայան մասնաճյուղը:

Ըստ Ալթայ-Սայան մասնաճյուղի օպերատիվ տվյալների՝ երկուշաբթի Մոսկվայի ժամանակով ժամը 01:23-ին գրանցված երկրաշարժի էպիկենտրոնը գտնվել է Նանայմո քաղաքից (Վանկուվեր կղզի) 539 կմ հյուսիս-արևմուտք:

Ելնելով էպիկենտրոնում ցնցումների ուժգնությունից՝ երկրաշարժը գնահատվում է որպես «ավերիչ»։ ԱՄՆ երկրաբանական ծառայությունը երկրաշարժի ուժգնությունը գնահատում է 6,5 մագնիտուդ։ Նրա տվյալներով՝ երկրաշարժի օջախը գտնվել է 10 կմ խորության վրա։