55 տարվա ընդմիջումից հետո «Անտունին» վերադառնում է բեմ

«Անտունի» բալետը վերադառնում է բեմ։ Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի բեմում մեծ պրեմիերա է՝ նվիրված Կոմիտաս վարդապետի 155-ամյակին։

Ներկայացման առաջնախաղը 1969 թ–ին էր։ Կոմիտասի դերում Ռուդոլֆ Խառատյանն էր, Խումարի դերում՝ Աննա Մարիկյանը։

Բալետը բեմադրել էին հայ մշակույթի ակնառու դեմքեր՝ կոմպոզիտոր Էդգար Հովհաննիսյանը, բալետմայստեր Մաքսիմ Մարտիրոսյանը, բեմանկարիչ Մինաս Ավետիսյանը, զգեստների նկարիչն էր Ռոբերտ Էլիբեկյանը։ Բալետն այսօր վերականգնում են նրանց ժառանգները։