ՄԱԿ գլխավոր քարտուղար Անտոնիո Գուտերեշը հայտարարել է, որ մտահոգված է Բեյրութում տիրող իրավիճակով
ՄԻՋԱԶԳԱՅԻՆ
ՄԱԿ գլխավոր քարտուղար Անտոնիո Գուտերեշը մտահոգված է Բեյրութում տիրող իրավիճակով և կոչ է անում դադարեցնել ռազմական գործողությունները, հայտարարել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը։
«ՄԱԿ գլխավոր քարտուղարը խիստ անհանգստացած է Բեյրութում վերջին 24 ժամվա ընթացքում իրադարձությունների կտրուկ սրման կապակցությամբ, բռնություններին պետք է վերջ տրվի՝ անհապաղ, կողմերը պետք է հետ քաշվեն անդունդի եզրից։ Լիբանանի ժողովուրդը, Իսրայելի ժողովուրդը, ինչպես նաև ամբողջ տարածաշրջանը չեն կարող թույլ տալ, որ լայնածավալ պատերազմ սկսվի»,- ասել է Գուտերեշի ներկայացուցիչը։
Հիշեցնենք՝ Իսրայելը զանգվածային գրոհներ է իրականացնում Լիբանանի ուղղությամբ, հազարավոր զոհեր կան, մեծամասամբ՝ խաղաղ բնակչության շրջանում։ Այսօր էլ իսրայելական ավիահարվածի հետևանքով զոհվել է «Հըզբոլլահ» շարժման առաջնորդներից Հասան Նասրալլան։
