Խոշոր վթար Երևան-Գյումրի ավտոճանապարհին․ 7 հոգու տեղափոխել են հիվանդանոց

Այսօր, ժամը 18։00-ի սահմաններում Երևան-Գյումրի ավտոճանապարհին բախվել են   «Mercedes» մակնիշի երկու ավտոմեքենա և «Ford Transit» -ը։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 7 հոգի, որոնցից 3-ը՝ կանայք, 2-ը՝ անչափահասներ, տարբեր աստիճանի մարմնական վնասվածքներով տեղափոխվել են «Թալին» բժշկական կենտրոն, որոշ ժամանակ անց նրանցից 4-ին շտապօգնության ավտոմեքենաներով տեղափոխել են Երևանի տարբեր հիվանդանոցներ։

Վիրավորներին առաջինը օգնության են հասել քաղաքացիները, շտապօգնության բժիշկների հերթապահ խմբերը ։

Վթարի փաստով նախաձեռնվել է քրեական վարույթ։