«Վահեն շատ լավ տղա էր»․ մահացած  հայտնաբերված 21-ամյա զինվորը Մեղրիից էր․ մանրամասներ

ՀՀ ՊՆ N զորամասում երեկ՝ հոկտեմբերի 6-ին, հրազենային վիրավորումից մահացած հայտնաբերված 21-ամյա Վահե Հարությունյանը Սյունիքի մարզի Մեղրի համայնքի Ագարակ գյուղից էր։

Ագարակի վարչական ղեկավար Դավիթ Օհանջանյանը Oragir.News-ի հետ զրույցում հայտնեց, որ Վահեի ծառայությունը մի քանի անգամ հետաձգվել էր։ Նա այս տարի ամռանն էր զորակոչվել։

«Վահեն շատ լավ տղա էր, 3 ամիս առաջ՝ հուլիս ամսին էր զորակոչվել։ Ծառայում էր Վարդենիսի զորամասում։ Ինքը տան մեծ երեխան էր, քույրն ու եղբայրը զույգեր են, դպրոցական են․․․»,- ասաց Դավիթ Օհանջանյանը։

Հիշեցնենք, որ երեկ՝ հոկտեմբերի 6-ին, հայտնաբերվել է ՊՆ N զորամասի զինծառայող Վահե Բագրատի Հարությունյանի դին՝ հրազենային վնասվածքով: Դեպքի հանգամանքներն ամբողջովին պարզելու նպատակով ընթանում է քննություն:

© ORAGIR.NEWS https://oragir.news/hy/material/2024/10/07/131865