Brent նավթը թանկացել է՝ մեկ բարելը 77,87 դոլար

Էտալոնային նմուշի նավթը թանկացել է չորեքշաբթի առավոտյան՝ մեկ օր առաջվա կտրուկ անկումից հետո՝ պայմանավորված Իսրայելի հետ «Հեզբոլլահի» հաշտության պատրաստակամությամբ։

Brent-ի դեկտեմբերյան ֆյուչերսների արժեքը Լոնդոնի ICE Futures բորսայում կազմում է մեկ բարելը 77,87 դոլար, ինչը 0,69 դոլարով (0,89 տոկոս) ավելին է, քան նախորդ աճուրդների փակման ժամանակ։ Երեքշաբթի այդ պայմանագրերն էժանացել էին 3,75 դոլարով (4,6 տոկոս)՝ մեկ բարելը 77,18 դոլար։

WTI-ի նոյեմբերյան ֆյուչերսները Նյու Յորքի ապրանքային բորսայի (NYMEX) էլեկտրոնային աճուրդներում թանկացել են 0,61 դոլարով (0,83 տոկոս)՝ մեկ բարելը 74,18 դոլար։ Նախորդ աճուրդների արդյունքներով՝ ֆյուչերսի գինն իջել է 3,57 դոլարով (4,6 տոկոս)՝ մեկ բարելը 73,57դոլար։