Գեղարքունիքում բախվել են 2 «Opel»-ներ, որոնցից մեկը հայտնվել է ձորակում. կան վիրավորներ

Այսօր՝ հոկտեմբերի 10-ին, ավտովթար է տեղի ունեցել Գեղարքունիքի մարզում։ Ժամը 18:00-ի սահմաններում Սևան-Մարտունի-Գետափ ավտոճանապարհի 10-րդ կմ հատվածում բախվել են Գեղարքունիքի մարզի բնակիչ 63-ամյա Մակիդոն Բ.-ի վարած «Opel» մակնիշի և Կոտայքի մարզի բնակիչ 40-ամյա Գարիկ Դ.-ի վարած «Opel» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 վարորդներն ու Մակիդոն Բ.-ի ուղևոր՝ Գեղարքունիքի մարզի բնակիչ, 57-ամյա Գոհարիկ Վ.-ն, մարմնական վնասվածքներով տեղափոխվել են «Սևան» բժշկական կենտրոն։

Վթարի փաստով Սևանի քննչական բաժնում նախաձեռնվել է քրեական վարույթ։

Ֆոտոլրագրողը հայտնում է, որ բախման հետևանքով «Opel»-ներից մեկը դուրս է եկել երթևեկելի գոտուց և հայտնվել ձորակում։

Մանրամասներն՝ այստեղ։