Թրամփի դեմ 3-րդ մահափորձի մեջ կասկածվողը հայ է․ վերջինս հերքում է մեղադրանքները

ԱՄՆ նախկին նախագահ Դոնալդ Թրամփի դեմ հնարավոր երրորդ մահափորձի մեջ մեղադրվող 49-ամյա Վեմ Միլլերը ազգությամբ հայ է։ Այս մասին նա ասել է Fox News Digital-ին տված հարցազրույցում՝ հերքելով իր դեմ ներկայացված մեղադրանքները։

49-ամյա Վեմ Միլլերը վերահսկիչ անցակետում՝ շաբաթ երեկոյան Կալիֆոռնիայի Կոաչելլա հովտում նախատեսված Թրամփի հանրահավաքին մասնակցելու նպատակով իշխանություններին հայտնել է այն ատրճանակի առկայության մասին, որով ինքը միշտ ճամփորդում է, չնայած այն երբեք չի օգտագործել: Նա պնդել է, որ փաստաթղթերը, որոնք Ռիվերսայդ շրջանի շերիֆ Չադ Բյանկոն կեղծված է անվանել, միանգամայն օրինական են:

Նշենք, որ Թրամփի նկատմամբ իրականացված երկու մահափորձերից հետո զենքի մեղադրանքով նրա ձերբակալությունը չարաշահումների տեղիք է տվել: Բայց նա արագ ազատ է արձակվել 5000 դոլար գրավի դիմաց, և նրա նկատմամբ դաշնային մեղադրանք դեռ չի առաջադրվել: «Ճանապարհորդելիս ատրճանակս միշտ բեռնատարի թափքում եմ պահում»,- ասել է նա։

Վեմ Միլլերն ասել է, որ երբեք չի կրակել այդ ատրճանակից, բայց սկսել է այն կրել, երբ իրեն սպառնացել են սպանել։

Վերջինս պատմել է, որ 30 տարի աշխատել է լրատվամիջոցներում, որտեղ սկսել է աշխատել՝ միջնակարգ դպրոցն ավարտելուց հետո։ Նա միաժամանակ աշխատել է երաժշտական ​​տեսահոլովակների և հեռուստատեսային շոուների վրա՝ լավագույն արտիստների հետ, բացել «America Happens Network» նախագիծը՝ լրատվամիջոցներում գրաքննության դեմ պայքարելու համար: Նրա խոսքով՝ հենց այս աշխատանքի ժամանակ է սկսել մահվան սպառնալիքներ ստանալ, ինչի պատճառով ստիպված է եղել հրազեն է ձեռք բերել:

Միլլերը պնդել է, որ իր անձնագրերից ու անձը հաստատող վկայականներից ոչ մեկը կեղծ չէ։

Ավելին՝ նա պնդել է, որ հայ է և ունի փաստաթղթեր, որոնք ցույց են տալիս իր հայկական անուն-ազգանունը և փաստաթղթեր, որոնցում հայկական անունը բացակայում է, քանի որ այդ փաստաթղթերի օգտագործումը աշխարհի որոշ վայրերում կարող է հանգեցնել իր սպանությանը՝ «դարերի ընթացքում հայերի ոչնչացման արշավի պատճառով»։

Միլերը հավելել է, որ վերջին շրջանում ինքը միանշանակ ավելի շատ հանրապետական ​​է և 100%-ով սատարում է ԱՄՆ նախկին նախագահ և նախագահի հանրապետական թեկնածու Դոնալդ Թրամփին։