Մադրիդի «Ռեալ»-ը Ռոդրիգոյի վերաբերյալ հայտարարություն է տարածել

Մադրիդի «Ռեալի» բրազիլացի եզրային հարձակվող Ռոդրիգո Գոեսը վնասել է աջ ազդրի երկգլուխ մկանը, հաղորդում է «սերուցքայինների» մամուլի ծառայությունը։

«Բուժզննումից հետո Ռոդրիգոյի մոտ ախտորոշվել է աջ ազդրի երկգլուխ մկանի վնասվածք»,- ասվում է Մադրիդի «Ռեալի» մամուլի ծառայության տարածած հաղորդագրության մեջ։

Հիշեցնենք, որ Լա լիգայում հաջորդ հանդիպումը «Ռեալը» կանցկացնի շաբաթ օրը՝ հոկտեմբերի 26-ին, սեփական հարկի տակ կընդունի «Բարսելոնային»։ Խաղը կմեկնարկի Երևանի ժամանակով 23։00-ին։