Վրաստանի խորհրդարանի նախագահը հրաժարվել է հանդիպել ԵՄ պատգամավորների հետ

Վրաստանի խորհրդարանի նախագահ Շալվա Պապուաշվիլին հրաժարվել է հանդիպել Գերմանիայի, Լատվիայի, Լիտվայի, Լեհաստանի, Ֆինլանդիայի, Ֆրանսիայի, Շվեդիայի և Էստոնիայի օրենսդիր մարմինների ներկայացուցիչների հետ, որոնք աշխատանքային այցով ժամանել են Թբիլիսի։

«Ինձ չզարմացրեց ԵՄ որոշ երկրների խորհրդարանների անդամներից կազմված պատվիրակության ժամանումը Վրաստան, սակայն ինձ իսկապես զարմացրեց պատվիրակության որոշ անդամների մտադրությունը՝ հանդիպել Վրաստանի քաղաքական և խորհրդարանական ղեկավարության հետ։ Նրանք մեկ անգամ չէ, որ անբարյացակամ վերաբերմունք են ցուցաբերել վրացական իշխանությունների և վրացական հասարակության նկատմամբ»,- գրել է Պապուաշվիլին Facebook-ում։