Օդանավակայանը չի գործել անօդաչու թռչող սարքի կործանման հետևանքով. կա վիրավոր. ՌԴ

Իժևսկի օդանավակայանը չվերթերի համար փակ է եղել մինչև ժամը 8.30-ը, այժմ թռիչքներն իրականացվում են ըստ նախատեսվածի, հայտնել է «Իժավիա» ԲԲԸ գլխավոր տնօրեն Ալեքսանդր Սինելնիկովը Telegram-ի իր ալիքում։

Ավելի վաղ Ալեքսանդր Բրեչալովը հայտնել էր, որ առավոտյան Իժևսկում անօդաչու թռչող սարքի կործանման հետևանքով պայթյուն է որոտացել։ Արտադրամասում ապակի է կոտրվել, սակայն լուրջ վնաս չի եղել։ Անձնակազմը տարհանվել է, մեկ մարդ վիրավորվել է։

Ավելի ուշ Բրեչալովը հայտնել է, որ Իժևսկի օդանավակայանը և քաղաքային ծառայություններն աշխատում են բնականոն հունով։